ЕЈНЏЕЛ СО ПИСМО ДО ПОМПЕО НА ОСМАНИ МУ ЈА ПОТВРДИ ПОДДРШКАТА ОД КОМИТЕТОТ ЗА ЗЕМЈАВА

ПОЧЕТНА | КОНТАКТ | МК | SQ | EN |

Вести

11:57, петок, 08 февруари 2019

Заменик Претседателот на Владата задолжен за европски прашања, Бујар Османи во рамките на неколкудневна работна посета на Вашингтон, имаше посета и на американскиот Конгрес , каде меѓу повеќето средби, оствари работна средба и со новиот Претседавач со Комитетот за надворешна политика во Конгресот на САД - Елиот Ејнџел.

„Како никогаш порано, целиот регион на Западниот Балкан се наоѓа по влијание на засилен европски и евроатлантски моментум, во кој Македонија, со своето однесување и евроатлански успех, има важна улога во засилување на ова влијание“ – истакна Османи на срдбата, изразувајќи притоа огромна благодарност до Конгресменот Ејнџел, чија улога во создавањето на западната ориентација на целиот балкански регион е недвосмислена.

„Со вашето присуство, залагање и поддршка оставивте неизбришлива трага во имплементирањето на западните вредности на регионот на целиот Балкан, на чии основи е изграден и денешниот успех во напредокот на целиот регион, како и во нашиот успех да ја оствариме нашата основна амбиција – членството во НАТО“ – истакна Османи на средбата, упатувајќи притоа честитки за новата позиција до Конгресменот Елиот Ејнџел, како Претседавач со Комитетот за надворешна политика во Конгресот на САД.

„Оваа нова функција нѐ упатува на натамошна идна соработка, за што, како добар познавач на регионалните прилики, очекувам да има уште поголемо позитивно влијание врз имплементацијата на западните вредности на Балканот.“ – истакна Османи.

Конгресменот Елиот Ејнџел му го предаде на Османи писмото, со кое тој како Претседавач на комитетот за надворешна политика на американскиот Конгрес, заедно со Конгресменот Мајкл МекКол, кој е исто така член на комитетот, му се обраќаат директно на Државниот секретар Мајкл Помпео, за поддршка на Македонија во нејзините евроатлантски аспирации, за што во писмото наведуваат дека претставува директен интерес на САД и нејзините сојузници.

Претходно Османи учествуваше и на традиционалниот молитвен појадок во организација на американскиот претседател, Доналд Трамп, а во рамките на посетата на американскиот Конгрес оствари средби со Конгресменот Стив Стиверс, кој до јануари оваа година ја вршеше функцијата Претседател на Националниот Републиканскиот комитет во Конгресот на САД, а во рамките на посетата на Сенатот, Османи оствари средба и со Сенаторот Рон Џонсон, кој воедно е Претседавач и со Комитетот за домашна безбедност и владини прашања при Сенатот на САД.

Сподели ја содржината!

Вести

Средба на Државните секретари на Северна Македонија и Грција, Габер - Панајотис

ОСМАНИ: ЕВРОПСКАТА ИНТЕГРАЦИЈА ОТВОРА НОВИ МОЖНОСТИ ЗА РАЗВОЈ НА БИЗНИСИТЕ

Обраќање во германскиот Бундестаг на ЗПВРСМ Османи и МНР Димитров

ЗПВРСМ Османи и МНР Димитров на средба со Михаел Рот во рамките на работна посета на Сојузна Република Германија

ЗПВРСМ Османи и МНР Димитров на средба со Крамп Каренбауер во рамките на работна посета на Сојузна Република Германија