ПОЧЕТНА | КОНТАКТ | МК | SQ | EN |
Вести
ОСМАНИ: Од Скопје до Приштина ќе се патува за помалку од еден час
12:35, среда, 04 април 2018
Во просториите на Секретаријатот за европски прашања се одржа првиот Министерски состанок на кој се разгледаа можностите и се идентификуваа првичните чекори за навремена подготовка и реализација на проектот за Изградбата на патниот правец Скопје - Блаце. Со состанокот претседаваше Заменик Претседателот на Владата на Република Македонија, задолжен за европски прашања, Бујар Османи, кој со одлука на Владата беше назначен за координатор Министерската група за овој проект.

На средбата Османи го потенцираше значењето на овој проект во насока на регионално поврзување на Република Македонија, што претставува и еден од носечките столбови на евроинтегративниот процес на земјите од Западниот Балкан. „Автопатското поврзување со Приштина претставува проектот од исклучително значење за економското, социјалното и културното поврзување на Република Македонија со регионот“ изјави Османи, додавајќи дека во рамките на приоритетите на Владата за автопатско поврзување со соседните главни градови, изградбата на патниот правец Скопје - Блаце е еден од најзначајните проекти за поврзување со Република Косово, што, пак, претставува и еден од најзначајните економски и трговски партнери на Република Македонија. Во продолжение, Османи им ја пренесе на присутните информацијата и за напредокот на изградбата на автопатот од косовска страна до Приштина, на кој забрзано се работи, и за што предложи поблиска комуникација со инвеститорите на Косово, за координација на активностите од двете страни на границата.

На средбата беа усвоени повеќе заклучоци, меѓу кои и за итноста на реализацијата на средствата обезбедени од ИПА инструментот “Инвестициска рамка за Западен Балкан” со кој се одобрени и обезбедени 1.300.000 евра во насока на подготовка на неопходната документација за проектирање. Проектот Скопје – Блаце е комплексен проект со кој се предвидува изградба патна инфраструктура по сложен терен на кој е предвидена изградба на неколку тунели и мостови, аквадукти и други придружни елементи. Со изградбата на овој автопат, и негово поврзување со автопатот Приштина - Блаце lчија изградба е во тек, временското поврзување меѓу Скопје и Приштина ќе се намали од преку два часа на помалку од еден час.

Поради стратешката важност на проектот, и неговата комплексност, Владата формираше Министерска работна група, во која, покрај Вицепремиерот Бујар Османи како претседавач, членуваат и Заменик Претседателот на Владата, задолжен за економски прашања и координација со економските ресори, Кочо Анѓушев, Министерот за финансии, Драган Тевдовски, Министерот за транспорт и врски, Горан Сугаревски, Министерот за економија, Крешник Бектеши, Директорот на Јавното претпријатие за државни патишта, Зоран Китанов и Директорот на Јавното претпријатие Македонија Пат, Гајур Кадрију. Покрај Министерската, формирана е и техничка работна група, во која членуваат технички лица и експерти од соодветните ресори кои се задолжени за реализација на проектот Скопје - Блаце.
Сподели ја содржината!
Вести
Османи и Дураку во посета на општина Дебар
Државната Секретарка Габер во работна посета на Брисел
ОСМАНИ: УНГАРСКОТО ИСКУСТВО ВО ПРЕГОВОРИТЕ Е ОД ОГРОМНО ЗНАЧЕЊЕ ЗА НАС
14-ти Состанок на Советот за стабилизација и асоцијација меѓу Република Македонија и Европската унија
СРЕДБА ТИЛЕВ - ПЕТКОВ
   
Процес на преведување
Поважни документи
Бази на податоци
Општо
Обука
Центар за Обука на СЕП
Стипендии
Соработки
Комуникација со јавноста
Испитување на јавното мислење ИРИ
Кампањи
Испитување на јавното мислење
ЛИСТА НА ИНФОРМАЦИИ ОД ЈАВЕН КАРАКТЕР
Конкурси за вработување
Документи
Бази на податоци
Слободен пристап до информации
Регистар на документи
Регистрација на проекти
Е-набавки
Вести
Публикации
За нас
Организација
Систем за управување со процесот на пристапување кон ЕУ
Проектни единици
Заменик Претседател на Влада за Европски Прашања
Државен Секретар
Државни Советници
Сектори
Кон преговори
Хронологија
Процес на пристапување кон ЕУ
Преговори
НПАА
Спогодба за стабилизација и асоцијација
Кампањи
Youth for EU
ЕУ / ИПА Успешни Проекти
EU talks
EU in Macedonia
EU stars
Together for EU
Проекти
Претпристапна поддршка
ИПА 2007 - 2013
Друга странска помош
Програми на Унијата
ОРИО Програма
Твининг
ИПА 2014 - 2020
ИПА проекти
2018 © Секретаријат за европски прашања
Сите права се задржани.